События

«Арча читекләре» этно-фестиваленә гаризалар кабул итү башланды

«Арча читекләре» этно-фестивале — татар халкының милли мәдәниятен, сәнгатен һәм һөнәрчелек традицияләрен саклауга юнәлдерелгән чара.

Арча шәһәрендә узачак «Арча читекләре» этно-фестивалендә катнашырга теләүче иҗат коллективларыннан гаризалар кабул ителә башлады, дип хәбәр итә район мәдәният идарәсе. 

Фестивальнең төп максаты — онытыла барган борынгы йолаларны һәм гореф-гадәтләрне яңарту, халык җырларын һәм биюләрен киләчәк буыннарга җиткерү, читек чигү осталарын һәм һөнәрчеләрне барлау, күн кәсепчелеген үстерү һәм татар халкының милли аяк киеме — читекне киң җәмәгатьчелеккә таныту.

• «Вокаль ансамбльләр»
• «Хореография»
• «Фольклор-этнографик күренеш»
• «Инструменталь башкару»

Катнашырга теләүчеләргә гаризаны 15 августка кадәр ardk-metod@mail.ru электрон почтасына җибәрергә кирәк. Белешмәләр өчен телефон: 8 929 728-00-74.

Гөлнур Миннебаева

Тулырак: https://arskmedia.ru/news/rayon-yaalyklary/arca-citeklare-etno-festivalena-garizalar-kabul-itu-basla...